چــانت أشواگي وياك جد ماظنيت وديه ..
وأدفعت لعيونك حياتي وعيوني وديه ..
وردت أحظنك بلهفه بروحي وديه ..
ومن مديت أيديه ماردن ..
وحرت ليش ماأجن وجواب ماردن ..
وأتضح شافن منك الويل وماردن ..
وإنك بصدك گطعت كَلبي وادية
===============
بحر الهجر مايلك بحر الوفا مايلي
وآنه بهواك أعتقد غاية وطمع مايلي
ياصاحبي إنجانك ذكي إعرب إلي مايلي
لوكان جابت خبر ينّصب لو ينضّم
لو سر حجالك محب ينفضح لو ينضم
العاشرك يا ترف ينسعد لو ينضم
الحمل يبقى أعوج لو ينعدل مايلي
=================
ضنيت حبك من الاحزان سلم لي
سلمتو كلبي عذاب وضيم سلملي
مادام انتى يا ساهى العين سالم لي
اي خلها تجر علي باضيم كصابة
فدوة لشعرك عليهاتاوك كصابة
انت لعيونك شبيه السيف كصابة
والي بهواهن يكع ان طاب سلملي
=================
ترف من لونك غارن كل الخضر
ولشوفك من الدمع صارن زياكي خضر
مرات احشم النبي ومرات احشم الخضر
يجمع شملنا مع الشوك وهدم حيلي
وبعيني من هالبشر غيرو فلا حالي
بلا ماكتلني وهدم حيلي ولعب بحالي
غير النواعي الشكر اهل العيون الخضر
====================
مالان عندك گلب يابوش تالينه
اسمع حجينه بعقل وافعال تالينه
وليه نذل لاتظن هيهات تالينه
والچان طايش كبل من شاف فعلك عكل
شكيت ثوب الشرف وتريد نلبس عكل
لو ناخذ بثارنه وبشرف نلبس عكل
لو نتبركع حيه ونسوان تالينه
====================
منهو ظعيف البخت الكال منحبك
واحنا عطاشة ونروم الماي من حبك
واحنا الزراعنه كلبنا ورد من حبك
واصبح دليلي كطن بيه الليالي اندفن
وخل الجروح ينزفن ترن وندفن
وان جاك مرة خبر ان الحزين اندفن
اعلم باني متت يازين من حبك
الجمعة أغسطس 22, 2008 1:50 am