نور هجرك سحر تو بالدليل وعام
عالهل فراكو يصاحب ما يقارب عام
وامسيت حال اليتيم اللي لا لو ابو ولا عم
مبعد علية الفرح مرة بجذب لا يجي
ومن دون كل البشر بس لية الحزن لايجي
كولوا للعيد هالسنة بلية زعل لايجي
خايف ان جاني العيد افطن عالجرالي العام
ما ارد حبيبي الك صدكني هذا وعد
و لا تكلي شنهو السبب احسب اجروحي وعد
و لا تعتذرلي بعد و لا تكلي ارجع و عد
ولا تخابرني ابد و معزتك ما ارد
جرحتني لمن جنت بايدك جني مارد
كلبي يدك بحبك و انت الي بي مارد
ما ارد حبيبي الك صدكني هذا وعد
جروحي يلعب لعب وبس هالجرح خلة
وياوكت بس يلچم راد الگلب خله
ومن كثر ضيم الهوة صاب العقل خله
ما اعتب على الهوى وياك چي ما طاب
انا اعتب على الجدم حيف على بيتك طاب
داويت جرحك بيدي واتعبني لمن طاب
ومن صار بيه الجرح حفنة ملح خله
يا من على شوفتك محتام اجيلك ورد
عطشان اجي بلهفتي ارشف اشفافك ورد
بدمعي سكيتك زرع ما شفت منك ورد
من حيث عكب التعب زرعك الغيري صفة
وبكاسي مايك خبط وبكاس غيري صفة
سبعة المضن يا ترف كلهن وداد وصفة
تنساهن بياذنب جاوب سؤالي ورد
موقع عراق الوفه وبيتي انا حاسبه
وهوه المفضل الي من افتح ال حاسبه
لويوم عنك غبت هاك الكلب حاسبه
اسمك صعد للنجم بالعالي عله وسمه
والشعر بيك انوصف صار الجبينك سمه
وكل عضوبيك ارتقه وبالصدر شد وسمه
انته الوحيد الذي حبك انه حاسبه
ضنيت حبك من الاحزان سلم لي
سلمتو كلبي عذاب وضيم سلملي
مادام انتى يا ساهى العين سالم لي
اي خلها تجر علي باضيم كصابة
فدوة لشعرك عليهاتاوك كصابة
انت لعيونك شبيه السيف كصابة
والي بهواهن يكع ان طاب سلملي
مالان عندك گلب يابوش تالينه
اسمع حجينه بعقل وافعال تالينه
وليه نذل لاتظن هيهات تالينه
والچان طايش كبل من شاف فعلك عكل
شكيت ثوب الشرف وتريد نلبس عكل
لو ناخذ بثارنه وبشرف نلبس عكل
لو نتبركع حيه ونسوان تالينه
منهو ظعيف البخت الكال منحبك
واحنا عطاشة ونروم الماي من حبك
واحنا الزراعنه كلبنا ورد من حبك
واصبح دليلي كطن بيه الليالي اندفن
وخل الجروح ينزفن ترن وندفن
وان جاك مرة خبر ان الحزين اندفن
اعلم باني متت يازين من حبك
لوجار وكتي علي ماكول ابد ايجار
تاما اشف البعيد ومااغث اي جار
يعراك حبك غدة دم بوريدي جار
فلوجة زاخو ونجف بعكوبة حلة ام قصر
كلهم سنادي نكشف ماظل طويل وقصر
مسكن بغير الوطن لوملكوني قصر
وابقى افتخر بالعراق وساكن بايجار
درس العمالة ليغث اهلي ابد مدرسة
وابقى الغيور الذي لااجل البلد مدراسة
صرت بعشك هالوطن ياناسي مدرسة
مابيع ارضي ابد مهما الوكت ايجار
واركض وازيح الاذى لوما اذل اي جار
يلتفتخر بالعراق وساكن بايجار
اني افتخر بالعراق وساكن بمدرسة
الغيري يغالي صرت وانتة الجنتلي ورد
وضليت بس وحدي ابجي وانعي ورد
غصبن علي اجي العرسك واسلم ورد
واضحك ولو هل الكلب نابات بس لاكن
وبكلبي اكول بحزن ريت الجرة لاكان
ما هي قليلة علي يا منيتي لاكن
مجبوراهني واجي وانثر بعرسك ورد
عشرت مناجيد عشرت ظيم عشرت هم
عشرت مصالح عشرت ذياب عشرتهم
ثمن تعشار ظلم محكوم عشر تهم
وعشرة تأجل اذازادو علي عشرة
عشرت مجانين مدري شلون هل العشره
اصحابي وكت الفظه عديتهم عشرة
ومن طحت صارو علي عشرتهم
دنياي ماكصرت بأحزان دارتنا
شدت ادينا وعن الاحباب دارتنا
ابجي وهل ادموع كاعد بداري اتنا
كالولي ولفك يجي ياعييد بس تاني
ردتك وردة عمر تزهي بستاني
تدري اني حزني عليش واسود لبستاني
دحكت بالعيد ونك مو بديرتنا
الوكت گلبو علينه بلوك منصبه
مامره شفنه الفرح مر يمنه من صوبه
يذري يذري سموموعلينه تگول منصوبه
ينطي الخلايك هنه وانطانا بئس احنه
وحالف علينه نظل احباب بس احنه
فرحانه كل البشر بالعيد بس احنه
نعيد بفواتح حزن وبيوت منصوبه
ما ظل طعم للفرح والعيد من تلنة
جف الحزن لهظم وابعدنة من تلنة
ندورعمرنة المضة من اولنة من تلنة
نيران تسوة الكلب ورت كفاة وجاي
ومن حر لهبنة الجمر منة يتوكة وجاي
ياعيدعليش اتعبت نفسك ليمنة وجاي
يا عيد محنة الك يا عيد منتلنة
بمنشاري لنحت كلمة اهواك وانشرهة
وياما دمعتي يبلهة الشوك وانشرهة
قابل بمحبتك يجيني بخيرهة بشرهة
لنك ملكت الجسد من جدمي لشعاري
واهواك حد ماصرت دستوري واشعاري
وان مارضيت بكلمة اهواك بشعاري
لطبع احبك على الانترنيت وانشرهة
خيم علينا الفكر من بوش جا غازي
بانزين ما يلتكه لا كاز لا غازي
وطيور بيها بله لابيض لا غازي
ولا صوصي ينقر بعد لاديك لا وزة
والوجبة ضلت اسم لاجاي ابو الوزة
اجمع سجور وحطب لتنوركم وزه
لئن رجعنا بوش النذل لعهد الملك غازي
تمنه تعجبكم
الجمعة أغسطس 22, 2008 1:45 am